مقاطع شعرية

علّقت في فرقاك..وردة بمسمار...
على بقايا جِذع..بينك وبيني...!

يمكن تكون أحلى علامة وتذكار...
تشوفها..واِنْ رحت عنها تجيني...!
****
دخيلك لا تشجعني اسولف واكسر الكتمان
تعبت من السكون اللي تعود يسكن بذاتي
عليم الله ما فيني شبر يضحك فرح واشجان
انا لو جيت ابضحك لك اجيك اضحك بدمعاتي
اكمل لك عن الضيقه اكمل لك عن الاحزان
تاكد لو بكمل لك تصيح وتطلب سكاتي

*****
لا قلت : أحبك ..


كنّها دندنه
أو كنها وردةٍ ما بين أصابع جنين


يا اكمل الناس
لك بين الملا هيمنه

كثير غيرك ولكن
" وين مثلك .. و .. مين "؟!
*****
أنا لعيونك ما أمل الإنتظار ...
لو قضيت "العمر كله" أنتظر...
عطني أخبارك ولو هي بإختصار...
لا تخليني" بهمي" أنتظر
وهذا غلاك ولع بالقلب "نار"
هات كفك كان ودك تختبر
****
شفت الأسامي كلها في غيابك ؟
محدن قدر يمسك محلك نيابه !!



أفرح الا شفت أسمك اليوم شابك
وأطلب من الله لا يطول غيابه !!
****
صباح الخير من بدري انا آسف على ازعاجك
ولهت اقول لمزونك ترى قاع الغلا قفره

واذا ودك تحس شلون انا بالحيل محتاجك
ابي تحبس نفس صدرك وحس بحاجة الزفره..!
****
ياطيرياللي لك مع الجو معبار~
وقع وخذلي فوق متنك رساله~

سافر بها يا حر من دار لديار~
عسى طريقك يالنداوي سهاله~

بلغ __ سلامي لنبت __ وافين الأشبار~
كسابة__الأمداح__ في كل حاله~-

****
أن مات غالي .. قلت حيل الله أقوى ..
أنا آدمي مثله .. ولا في يدي شّي ..
ماهي بسيطه موتته .. لكن اشوى ...!
المشكلة .. لا مات قلبه وهو "حي " !!

****
ودي أغير كلمة أهواك
أبكلمه توصف كم انا اغليك
كلمة تفسر اني وياك
عايش وقلبي ميت فيك
****
تحتضر بالبرد [ ورده ] دايم تنادي الوفا

جيت ابحضنها وقالت : حبه لازم يحترق !

كنت ابي إيد ٍ تكون ف الشتا معطف دفا

مالقيت وماتقصر جيت بآخر مفترق

وماتت الورده ب ايديني آه ياحيف وأفا

يحسبون ان المشاعر تسلية - ولعبة ورق.!

****